เนื้อเพลง
* แม่เอยแม่เฒ่า เก่าแก่ซิ่นถุง
เสื้อนุ่งหุ้มหนัง นั่งขายปลาจ่อม
ขายถ้วยละบาท ปากแก้มแห้มผอม
ค่อมคู้ลู่หลัง ยังต้องหากิ๋น
ปากเดียวบ่ยาก สามปากต้องดิ้น
กิ๋นดินบ่ได้ กิ๋นทรายบ่พาน
อี่พรนั้นเหลน อี่เพ็ญนั้นหลาน
กานโก๊ะกานโก้ง ซี่โครงซ้างซ้าง
พ่อมันอยู่แป้ แม่มันอยู่ฝาง
นางนายลูกฮัก นักสร้างปัญหา
แลงมาวอยวอย เซาะหอยปู๋ปล๋า
มายำปล๋าจ่อม ย่อมนี้เอาขาย
ย่อมนั้นบ่ดี บ่มีใผซื้อ
มื้อนี้จะเสีย กินเหียหลานฮัก
กินกับหน่อไม้ ใส่ข้าวนักนัก
ใส่ผักติ๊ก ติ๊ก ใส่พริกใส่หอม
กินเต๊อะหลานเหย เกยกิ๋นยังหน่อม
ผอมจะได้ตุ้ย อุ้ยจะได้เอนนอน
( ซ้ำ * )
ไม่มีความคิดเห็น:
แสดงความคิดเห็น